Prinsessan og hjónaleysin

Ny heimasida

2010-07-01T01:37:00.000-07:00

Það gleður mig að tilkynna nýja heimasíðu fjölskyldunnar!

Þrátt fyrir algeran skort á færslum á þessari síðu hafa hlutirnir verið að gerast, bara annarsstaðar annarri heimasíðu! Síða þessi er sum sé orðin opinber, þrátt fyrir að enn sé mikil vinna eftir til að gera hana óaðfinnanlega og ég bið ykkur lesendur góðir að hafa þolinmæði og sýna biðlund ef eitthvað vantar uppá! Þetta kemur allt með kalda vatninu og þegar vefstjórinn fer í barseignaleyfi! Þá fyrst fara hlutirnir að gerast get ég lofað ;)

P.s. Mæli eindregið með því að þið náið í vefvafrarann fra GOOGLE : Google crome þar sem internet explorer er heldur seinn i vöfum fyrir þessa lika finu siðu. Þið eigið líka eftir að finna mikinn mun á öðrum heimasíðum.

Sjáumst á nýju heimasíðuni, þar sem öll fjölskyldan fær sitt prívata pláss.

http://web.me.com/heklaogco/help/Velkomin.html

2010-04-04T00:46:00.000-07:00

Gleðilega páska

Hér á bæ er búið að fara út í garð og finna eggin sem páskakanínan faldi!

Tvö handmáluð egg að hætti heimasætunnar, eitt skrautlegt pappaegg, stútfullt af skemmtilegu Hello Kitty dóti og eitt alíslenskt súkkulaðipáskaegg!!

Kanínan sá til þess að allir yrðu glaðir og fullorðna fólkið fékk líka tvö girnileg súkkulaðiegg, innflutt frá Íslandi

2010-03-21T04:54:00.000-07:00

Síðastliðinn mánudag fengum við það staðfest að lítil mannvera býr innra með mér og hún virðist lifa þar mjög góðu lífi. Snemmsónarinn kom afar vel út og sýndi að meðgangan er komin lengra en við höfðum reiknað út. Ef eitthvað er að marka mælingarnar þá er vika 15 langt komin núna.

Við gátum ekki beðið lengur með að segja Heklu gleðifréttirnar enda hún búin að óska þess lengi og oft að verða stóra systir.

Við sýndum henni myndirnar og spurðum hana hvort hún vissi hvað þetta væri. Hún svaraði því að þetta væri hún enda hefur hún séð svona sónarmyndir af sér. Hún reiddist þegar við sögðum henni að þetta væri ekki hún og hún róaðist ekki fyrr en við náðum í myndaalbúmið hennar og sýndum henni sónarmyndina hennar!

Eftir nokkra bið setti hún upp hræðslusvip og sagði ”þetta er bara MONSTER”. Á endanum tókst að útskýra fyrir henni hvað væri í vændum og þá glaðnaði heldur betur yfir þeirri stuttu og hún sagði hátt og snjallt: ”Takk mamma mín”. Vonum bara að hún verði jafn innilega glöð þegar litla systkynið hennar fæðist. Hún er reyndar samfærð um að barnið sé stelpa og sættir sig ekki við þá staðreynd að það sé mikill möguleiki á því að það geti verið strákur!

Þrjú ár

2010-03-12T22:47:00.000-08:00

Það getur verið ágætt að vissu leiti að lifa í óvissu en ákveðin framtíðarplön eru nú samt sem áður nauðsynleg, sérstaklega þegar maður býr á erlendri grundu eins og við! Við erum því afskaplega kát með nýlega undirritaðan ráðningasamning Pálmars við Djurgården Fotboll. Samningurinn gildir til 31.desember 2012 sem þýðir að við eigum að öllum líkindum eftir að búa hér í þrjú góð ár í viðbót.

Að sjálfsögðu fylgja blendnar tilfinningar þessum samningi! Áframhaldandi takmarkaðir möguleikar á "alvöru" sumarfríi og flutningur heim til Ice ekki líklegur fyrr en 2013 er staðreind!

Á hinn boginn og það sem vegur enn þyngra er að við fáum tækifæri á að búa í þessari undursamlegu borg í þrjú góð ár, taka á móti vinum og ættingjum sem hingað koma, læra enn betri og fallegri sænsku og njóta veðurblíðunnar á sumrin og snjóþungra vetra!! Það er nefnilega svo að þegar sú fluga kemur í höfuðið á okkur að hugsa til heimferðar (flytja heim til Íslands) fáum við hnút í magann og finnum að við erum ekki alveg til í að yfirgefa þetta góða líf sem við lifum hér!

Semsagt nýr samningur í höfn og iPhone innifalinn! Getur maður beðið um eitthvað meira ;)

Vetur konungur

2010-02-25T00:39:00.000-08:00

Carl Gustav hefur heldur betur tapað kúlinu. Annar og mun valdameiri konungur hefur tekið öll völd hér í Svíþjóð og það er ekker útlit fyrir því að hann gefi neitt eftir! Vetur konungur lætur ekkert stoppa sig!!

Við smelltum okkur upp til Dalanna um síðustu helgi í skíðaferð með sérvöldum flokki fólks. Ferðin heppnaðist í alla staði frábærlega en kuldahörkur settu svip sinn á skíðamenskuna! Litlu dömurnar í ferðinni, þar á meðal Hekla fengu smá smakk prufu af því að skíða og það verður ekki sagt annað en að það hafi gengið nokkuð vel en úthaldið í frostinu var kanski ekki neitt til að hrópa húrra fyrir. Við stefnum að því að endurtaka leikinn aftur í apríl með þá von í hjarta að vetur konungur verði aðeins mildari við okkur!!!

Semsagt, allt á kafi í snjó og kuldinn jaðrar við að vera hræðilegur!!! En þetta á víst að vera svona, það er jú febrúar og ekkert eðlilegra en að það sé snjór og kuldi.

Pálmar er flogin á vit ævintýranna í sólskynslandinu Tyrklandi, þar sem hann ásamt DIF mun dvelja við æfingar næstu vikuna!

Við Hekla höldum okkur bara undir teppi með kakó og kex á meðan hann sleikir sólina ;)

Íþróttastelpan

2010-02-06T00:22:00.000-08:00

Þrátt fyrir skort á uppfærslum á þessari annars ágætu síðu þá er ekki eins og við sitjum aðgerðarlaus heima! Síður en svo, það eru viðhafðar stífar íþróttaæfingar og hér má sjá brot af því besta! Við viljum samt vekja athygli á því að skautamyndbrotið endurspeglar ekki skautakunnáttu Sólarinnar.....hún ER MJÖG dugleg!!!

Bíll

2010-01-22T07:28:00.000-08:00

Eftir þriggja og hálfs árs búsetu í Svíþjóð keyptum við okkur loksins bíl!!! Dáldið sein að taka við okkur en hingað til höfum við ekki talið okkur þurfa bíl, heldur bara tekið Nenna níska á þetta og fengið bíla vina okkar og vandamanna að láni af og til !!! Nú er það vonandi (fyrir vini okkar) á enda og óskandi að við getum goldið greiðana til baka;) Bíllinn er reyndar hvorki bleikur né líkt því eins speisaður og þessi bíll hér að ofan en nógu er hann nú flottur samt! Þrátt fyrir fögur fyrirheit varð ekki að því að við keyptum Volvo, allavega ekki í þetta sinn en Toyota Prius varð fyrir valinu, enda með eindæmum góð kaup að sögn viðskiptafræðings heimilisins!

Hér er svo drossían

2010-01-07T06:18:00.000-08:00

Já sælt veri fólkið og gleðilegt ár!

Nú er frábær tími á landinu kalda liðinn og við kominn heim til Svíþjóðar sem í augnablikinu er reyndar töluvert kaldara land en Ísland. En okkur er hlýtt innanbrjósts og full þakklæti fyrir alla þá góðu vini og fjölskyldu sem við eigum. Nú tekur rútínan við, Hekla farin í leikskólann og við farin að vinna. Okkur hlakkar mikið til að takast á við ný verkefni á nýju og spennandi ári.

Egilsstaðir sviku ekki frekar en fyrri daginn, tóku á móti okkur í sparifötunum, nýföllnum og kristaltærum snjó sem þakti jörðina með þykku lagi. Alveg eins og í gamla daga!!!

Fólkið á Egilsstöðum klikkaði svo sannarlega ekki heldur ;)

Við klæddum okkur upp í okkar fínasta púss á aðfangadag og biðum spennt eftir að opna alla fallegu pakkana sem voru undir jólatrénu á Koltröðinni.

Að öllum ólsöstuðum var ein sem bar af, bæði hvað varðar glæsileika í klæðnaði, spenningi og jólagleði!!! Hún naut sín en var hóvær þegar að opnun pakkanna kom, deildi út pökkum til annarra samviskusamlega og var ekkert að stressa sig um of á því að opna sína eigin pakka. Hún var yfir sig ánægð með innihald pakkanna!

Áramótin héldum við svo hátíðleg með "sunnan" genginu hans Pálars, í glæsilegum 2007 bústað Kennarasambandsins á Flúðum. Veðrið sveik ekki frekar en fyrri daginn og útsýnið á gamlárskvöld var magnað. Hekla (fjallið) blasti við okkur og nafna hennar var stolt yfir því að fjallið heiti alveg eins og hún. Hún misskildi samt eitthvað aðeins og stendur enn í þeirri meiningu að fjallið heiti "Hekla Sól"!!!

Við óskum ykkur öllum alls hins besta á árinu 2010

Til hammó með ammó Hekla Sól

2009-12-17T08:03:00.000-08:00

Fyrir veisluna góðu í íþróttasalnum var kakan að sjálfsögðu skreitt fagurlega og Hekla átti stóran þátt í því hve vel tókst til. Það var svaka stuð í veislunni en áður en gestirnir komu varð veislustjórinn fyrir dálitlu áfalli. Það var fixað og fixeringin hélt út veisluna en þá var ákveðið að fara með gripinn á slisó til að fixa fixeringuna. Íþróttasalurinn fylltist af góðum gestum og heilum helling af góðum gjöfum.

Að morgni afmælisdagsins 17. des., fékk hún stóran pakka í rúmið!

Það var þá rúm handa Lillu litlu! Langþráð!!

Hugo "kompis" og nágranni byrtist svo árla morguns og færði afmælisbarninu pakka! Skemmtileg heimsókn það. Brynhildur stórvinkona Heklu kom svo í graut í kvöld og færði henni stóra verkfærakistu sem hitti sannarlega í mark.

Grísafjölskyldan risin úr rekkju

2009-11-22T12:23:00.000-08:00

Eftir löööööng og strööööng veikindi erum við á fótum á ný og nánast jafn fersk og frísk og við eigum vanda að!

Til að fagna upprisunni skelltum við okkur á fjölskyldumyndina um litla drauginn Laban í gær. Þetta var fyrsta bíóferðin hennar Heklu sem í fyrstu var ekki par hrifin af bíósalnum og látunum í myndinni. En hún mannaðist og þegar myndin var hálfnuð, tók hún hendurnar frá eyrunum og naut þess að vera í bíó eins og hinir krakkarnir!!

Pálmar er í "sumarfríi" þannig að hann þarf ekki að hugsa um að fara að koma sér til baka í vinnu. Ég byrjaði að vinna á fimmtudaginn, meira af vilja en mætti og Hekla Sól ætlar að skella sér á leikskólann á morgun, eftir 10 daga fjarveru! Það verður án efa kærkomið.

Hverju sem um er að kenna þessi veikindi veit enginn en það verður að segjast að "hár" aldur fjölskylduföðursins liggur sterklega undir grun. Það eru engin ný vísindi að mótstöðuafl líkamans veikist þegar aldurinn færist yfir og sú staðreind að Pálmar varð 35 ára í síðustu viku er líklega orakavaldur þess að hann lagðist og við svo á eftir honum eins og dominokubbar. Það er ljóst að það er ekki tekið út með sældinni að verða 35 ára en við Hekla viljum þrátt fyrir allt, ítreka hamingjuóskir okkar til okkar heittelskaða!!

. . . og eitt á sólarströnd:-)

2009-11-15T10:05:00.001-08:00

Þrjú svín....

2009-11-15T09:59:00.000-08:00

Brons

2009-11-01T02:56:00.000-08:00

Pálmar mætti ofurjörlum sínum í úrslitum crossfit keppninnar og endaði í þriðja sæti. Engu að síður geggjaður árangur og við Hekla Sól erum endalaust stoltar af Ofur-Pálmarnum okkar!!!
Bandaríkjamaðurinn sem sigraði var nátturulega bara í ruglinu og það átti enginn roð í hann. Hann sannaði það semsagt að allt er gott sem kemur frá Bandaríkjunum. Ég fer nú samt ekki ofan af því að hann er ekki alveg í lagi í hausnum eins og margir landar hans en það er algerlega mín skoðun og þarf ekki að endurspegla skoðunn annarra!!!
Alexander, Hvítrússinn á svæðinu endaði í öðru sæti. Við borðuðum kvöldverð með honum eftir keppnina í gær og síðan þá hefur Hekla tekið hann "upp á arminn" og tók það skírt fram þegar ég talaði um að við þyrftum að heja á pabba að við mættum alls ekki gleyma að heja á Alexander vin sinn!!! Ég held satt að segja að sá stuðningur hafi gert gæfu muninn!!

Að öllu gamni sleptu þá gerði Pálmar algerlega sitt allra, allra besta og hinir tveir voru einfaldlega betri. Sem fyrr þá eru frekari upplýsingar um keppnina að finna inn á cross fit nordic síðunni

Nú erum við á heimleið frá Halmstad, um 6 tíma akstur takk kærlega fyrir. Við missum því miður af leik Djurgarden en liðið er að berjast fyrir lífi sínu í Alsvenskan í dag!! Við verðum að láta útvarpssendinguna duga og hlökkum til að fylgjast með okkar mönnum halda voninni lifandi.

Úrslit

2009-11-01T01:12:00.000-07:00

Já þá liggur það ljóst fyrir!
Pálmar er komin í úrslit í opna skandinaviska cross fit mótinu. Það stóð tæpt og innbyrgðis árangur Pálmars og danska stráksins sem endaði númer 4 skar úr um hvor þeirra kæmist áfram.

Nú þurfum við Hekla Sól að setja okkur í stellingar og "heja" vel á okkar mann.

Þið getið fylgst með úrslitum og séð svipmyndir frá keppninni inn á þessari síðu

Ómótstæðilegt

2009-10-26T05:32:00.001-07:00

Fólki er svo sannarlega engin vorkun að hlaupa heim úr vinnunni þegar veðrið og útsýnið er eins og á myndinni! Alger draumur!

2009-10-25T15:26:00.000-07:00

Í nótt varð klukkan 3 en eins og lög gera EKKI ráð fyrir, þá varð hún næst 2!!!

Skrítið en jú, vetur konungur er formlega mættur á svæðið og þá tíðkast víst að færa klukkuna til baka um einn tíma.

Þetta er okkur Íslendingum í útlöndum alltaf jafn framandi og furðulegt fyrirbæri en á haustin er ástæða til að gleðjast, því tæknilega séð fáum við að sofa einum tíma lengur!

Hver hefur á móti því, ég bara spyr?

Þetta með að stylla klukkuna fram eða til baka getur verið rulgandi og ég á afar erfitt með að muna hvort maður gerir á haustin eða vorin.

Með því að setja þessa klukkustyllingu í samband við útihúsgögnin hef ég náð dýpri skilningi á fyrirbærinu og núna man ég ALLTAF hvort klukkan á að fara fram eða aftur.

Á haustin færum við útihúsgögnin "til baka" inn í geymslu á meðan við tökum þau "fram" á vorin. Það sama á víst við um klukkuna. Sniðugt ekki satt.

2009-10-23T23:58:00.000-07:00

Það var hér um daginn, eða öllu heldur um nóttina sem einkadóttirin vaknaði upp af óværum blundi og hljóp inn til okkar galandi og gólandi. Hún var sem struluð og ekkert var nógu gott fyrir hana. Hún vildi ekki vera hjá mömmu, hún vildi ekki vera hjá pabba, hún vildi ekki vera frá mömmu og hún vildi ekki vera frá pabba. Í miðjum látunum hljóp hún frá okkur og fram í forstofu, opnaði dyrnar og æddi út (það hafði semsagt gleymst að læsa). Pálmar stormaði á eftir henni og loksins þegar hún stóð úti á tröppunum, róaðist villimaðurinn í barninu og það var hægt að tala við hana.

Eftir stutt samtal og vangaveltur yfir því af hverju hún væri svona leið, komust þau feðgin að því að Heklu hefði dreymt úlfinn úr Rauðhettu en sagan var lesin fyrir svefninn. Það má reyndar benda á að spurningarnar voru mjög leiðandi og erfitt fyrir bráðum þriggja ára kríli að vita yfir höfuð hvað það er að dreyma!! En hvað um það. Hún vildi út og út skildi hún. Pabbi, sem er alltaf svo skilningsríkur og eftirgefanlegur, sá auðvitað ekkert athugavert við það að fara aðeins út með barnið, þótt svo að klukkan væri að ganga tvö að næturlagi!!!

Í svefndrunganum klæddu þau feðgin sig út, hvort í sínu lagi, Hekla fór í hlýa peysu, fann húfu og vetlinga og setti á sig og fór svo í stígvélin og beið þolinmóð í forstofunni eftir að pabbi væri tilbúin.

Þau röltu út og skoðuðu leiðina sem Hekla var vön að ganga þegar hún var lítið "bebis" á leið í leikskólann og bjó á Ripstigen. Þau ræddu daginn og veginn á leiðinni og styrktu þá trú sína að það var úlfurinn sem sótti Heklu heim í draumalandið og hrætt hana með þessum afleiðingum.

Eftir dágóða stund komu þau svo heim, fóru upp í rúm og sofnuðu værum svefni, rétt eins og ekkert hefði í skorist.

Við veltum því enn fyrir okkur hvað aumingja maðurinn haldi sem var úti að viðra hundinn sinn þessa nótt? Kanski sér hann þetta bara út frá sínu sjónarhorni og finnst þetta næturrölt feðginanna eðlilegasti hlutur í heimi. Hundeigendur eru jú vanir svona næturbrölti með húsdýrið sitt og því ætti þetta þá eitthvað að vera athugavert.

Svona eru næturnar í Bergshamra!

Húsdýrið okkar

2009-10-10T00:33:00.001-07:00

Ég er lamb sagði Hekla þegar hún kom skríðandi fram úr forstofunni. Til að taka af allan vafa, þá vil ég taka það fram að sænsk lömb hafa ekki stígvél á fótunum, allavega ekki þau sem ég hef séð!!

Is it true

2009-09-30T14:03:00.000-07:00

Jóhanna og Eurovision lagið hennar féllu strax í kramið á sænsku þjóðarsálinni. Erik er greinilega þessi típíski, lagom sænski gaur og hann gerði greinilega rétt þegar hann valdi að syngja "is it true" í kvöld í undanúrslitum Idol.

Dómararnir stóðu upp fyrir honum og héldu vart vatni af hrifningu og þjóðin kaus hann áfram inn í sjálfa úrslitakeppnina. Án efa hefur lagið sjálft haft áhrif á hughrif fólks!

Bra jobbat Erik

Nú er bara spruningin: Gerir Erik þetta betur en Jóhanna???

Bætt lífsgæði

2009-09-30T13:39:00.000-07:00

Klárlega!! Allavega hér í Bergshamra.

Það opnaði langþráður tælenskur veitingastaður hér í hverfinun fyrir stuttu, bara steinsnar frá okkur! Góð og algerlega ómótsæðileg viðbót við pizzustaðina 4 sem fyrir eru.

Tóm gleði hér á bæ eftir vel sterkan tælenskan mat.

Djurgården kanínan...

2009-09-24T11:38:00.001-07:00

...gerði góða hluti en það átti ekki við um aðra liðsmenn DIF

Vinir

2009-09-19T11:11:00.001-07:00

Hekla og Vidar nágranni (frá Ripstigen) hafa verið vinir frá unga aldri og þeim þykir svo vænt hvort um annað. Það er alltaf gaman ad hitta Viðar og foreldra og kræsingarnar á þvi heimilinu svikja aldrei og kvöldið í kvöld var engin unantekning þar á.

Í fréttum er þetta helst

2009-09-17T14:30:00.000-07:00

Við fengum til okkar góða gesti þegar þau mæðgin Ingunn og Jóhannes Már sóttu okkur heim. Þau sýndu okkur þann heiður að dvelja rúma viku og við nýttum tímann með þeim meðal annars í heimsækja Smálöndin og allar þær sögupersónur sem þar hafa orðið til. Þar ber hæst að nefna Línu langsokk, Emil og Ídu og Kalla á þakinu!!

Þetta, bæði dvöl mæðginanna og heimsóknin í heim Astrid Lindgren, féll vel í kramið hjá heimasætunni

og það mátti varla á milli sjá hvort hún var hrifnari af Línu eða Jóhannesi "kompis"!

Hún elskar allavega þau bæði að eigin sögn en hún elskar EKKI Emil af einhverri óþekktri ástæðu!

Það að hitta "idolið" í eigin persónu og fá frá henni knús (tvisvar sinnum) er ógleymanlegt fyrir litla tveggja, næstum þriggja ára gamla manneskju.

Við tókum á leigu gamalt krúttlegt hús frá 1700 og súrkál og þegar við komum á leiðarenda seint þó um síðir á laugardagskvöld, eftir um 300 km akstur og frækilegan sigur sænska meistarans, mætti okkur hvítlauksangan út á hlaðið.

Gylfi kompis og María Lind voru mætt á svæðið og höfðu haft alíslenskan humar með í farteskinu!! Það var ekki leiðinlegt, það verð ég alveg að segja!

Hér til hægri má svo sjá smálingana þrjá, þau Heklu Sól, Jóhannes Má og Maríu Lind.

Keppnistímabilinu er lokið....eða þannig! Allavega hef ég lokið mínum hlaupakeppnum í ár en það er aldrei að vita nema Pálmar slái til og keppi eitthvað meira á árinu og svo á Djurgarden auðvitað nokkra leiki eftir og við höldum enn í vonina að þeim takist að halda sér uppi í úrvalsdeildinni, þó svo að líkurnar á því séu að verða hverfandi litlar!!!

Mér gekk furðanlega vel í hálfa maraþoninu og kláraði það á 1.40.44 samkvæmt klukku keppnishaldara en þar sem ég treysti Garminum mínum betur fyrir tímatöku þá læt ég þann tíma standa og segist hafa hlaupið á 1.39.39!!! Miklu fallegri tölur og samkvæmt þeim þá stóðst ég markmiðið sem var að hlaupa undir 1.40.00!!!

Hlaupið tók á og hausverkur dauðans bygði sér bú í hausnum á mér fyrstu dagana eftir hlaupið. Nú þegar höfuðverkur og harðsperrur eru horfnar á vit feðra sinna og ég er enn að njóta þess að vera loksins búin að hlaupa þetta hlaup skráð ég mig í Broloppet 2010 sem fram fer 12 júní eftir áskorun Elsu frænku í ríki drottningar.

Já svo er ég hætt í sendiráðinu og komin á kaf í að þjálfa sveitta og sílspikaða svía....(not) sem er svakalega spennandi

Heimsins besta kram

2009-09-06T09:05:00.001-07:00

Það gerist varla betra!

Kom sá og sigraði

2009-09-05T10:49:00.000-07:00

Við erum að tala um að drengurinn á bænum er Svíþjóða- meistari í Cross fitness. Hann hló bara að hinum keppendunum, fór 100 metrum lengra en allir aðrir með 50 kg í höndunum, tók sér pásu milli setta, fékk sér vatn, teipaði sig og fixaði hitt og þetta meðan tíminn gekk og mótherjarnir púluðu og píndu sig gegnum keppnina.

Þetta er okkar maður!!

Máli okkar til stuðnings er vert að benda á þessa heimasíðu

Kraftaverk

2009-09-01T07:01:00.000-07:00

Nú er uppskeruhátíð!!

Eftir öll hlaup og alla kílómetrana sem ég hef lagt að baki í vor og sumar er komið að því að uppskera....og bæta tíma!!
Það hefur reyndar ekki verið tekið út með sældinni að hlaupa undanfarnar 5 vikur, þar sem kálfinn hefur ekki alveg tekið þátt í hlaupunum og neytað að vinna með mér.

Í örvæntingu minni brá ég mér til napropats í von um bata og kraftaverk!!!Viti menn, kraftaverk gerðist og ég hljóp sem aldrei fyrr 10 km í Tjejmilen án þess að finna fyrir verkjum!! 45. 37 varð niðurstaðan takk fyrir kærlega. Ég er sátt þrátt fyrir að tíminn hafi verið undir markmiðinu mínu sem var að hlaupa undir 45 mín en það markmið var sett í vor þegar allir vöðvar líkamans voru í nánu og góðu samstarfi við sjálfið ;)
Eftir 10 daga er svo hálfmaraþonið en þangað til hef ég hugsað mér að hitta kraftaverkakarlinn í það minsta tvisvar sinnum !!!

Kæja amma

2009-08-26T12:29:00.000-07:00

Kæja amma mín heitin hefði orðið 90 ára í dag.

Það varð því miður ekkert úr pönnukökubakstri henni til heiðurs í dag en það breytir því ekki að minningin um hana og afa heitinn lifir góðu lífi innra með mér og mun gera um alla tíð.

Tímamót

2009-08-20T03:59:00.000-07:00

Dagurinn í dag er merkilegur dagur að mörgu leiti.

Í dag eru 5 ár frá því að við hjónaleysin ákváðum að gera einhverja alvöru úr vinskap okkar !!!

Þessi 5 ár hafa verið okkur einstaklega góð og sérstaklega viðburðarík. Þannig ætlum við að hafa það áfram ;)

Til að halda upp á daginn, þá ætlum við að skella okkur í Tælenskt nudd og fá okkur eitthvað gott að borða á meðan Magni og Lea, sem eru nýflutt til hingað og Hekla titlar sem "kompisana" sína, passa Sólina okkar.

Í dag eru 3 ár síðan ég og Hekla Sól (þá bumbubúi) fluttum til Svíþjóðar. Þegar við fluttum út höfðum við engin plön um að dvelja þetta lengi hérna í Svíþjóð en það kom einhvernvegin af sjálfu sér, okkur líkaði svo vel. Við sjáum sko ekki eftir þessari ákvörðun að flytja á neinn hátt og erum þakklát fyrir þetta tækifæri til að búa erlendis!! Við getum mælt með Svíþjóð sem áfangastað fyrir alla þá sem geta hugsað sér hreyfings!!!

Þessi þrjú ár hér í Svíþjóð eru í stórum dráttum búin að vera stórkostleg og ekki ólíklegt að okkar bíði einhver ár í viðbót hér á sænskri grund.

Í dag eru 10 dagar þangað til að ég hætti að vinna í sendiráðinu og sný mér alfarið að einkaþjálfun í SATS Gärdet!!! Því fylgja að sjálfsögðu blendnar tilfinningar. Það er alltaf erfitt að hætta og kveðja stað og fólk sem manni líkar vel við en jafnframt mjög spennandi að takast á við ný verkefni.

Í dag er svo vika þar til Magga og Krissa koma í heimsókn!!! Það verður bara gaman ;))

Eins og elding

2009-08-14T23:36:00.000-07:00

Við erum að tala um brjálað þrumuveður undanfarna daga hér með tilheyrandi eldingum og látum.

Á fimmtudaginn lág við að illa færi !!!

Pálmar var ný kominn heim, rennandi blautur eftir að hafa lennt í einni mestu rigningadembu sem sögur fara af hér á bæ.

Þar sem hann stóð í dyragættinni og reyndi að vinda mestu bleytuna úr fötunum og Hekla Sól stóð á móti honum og hafði orð á því hvað pabbi væri "dosa" blautur, þá kom þessi líka rosalega þruma og strax í kjölfarið laust niður þessari líka svaka eldingu. Pálmar, með angistarglampa úr augunum sá eldinguna útundan sér og tók þvílíkt viðbragð og tók á rás inn í hús, greip Heklu með í fluginu og mig nánast líka þar sem ég stóð inn í íbúðinni. Hekla varð nátturulega skelfilega hrædd, aðallega við lætin í pabba sínum. Það var heldur ekki alveg laust við að okkur stæði ekki alveg á sama, sérstaklega þegar við sáum ummerkin eftir eldinguna í grasinu fyrir framan húsið okkar!!!

Já þar er sjálfsagt ekkert grín að verða fyrir eldingu miðað við lætin í þessari vinkonu okkar sem var svo nærri að ná í rassinn á betri helmingnum.

Konan í íbúðinni við hliðina á okkur sagði að húsið hefði skolfið og hún var mest hrædd um að gangráðurinn sem hún er með hefði tapað takti rétt á meðan á þessu stóð.

Sjónvarpið datt út í hverfinu en nú er það komið í lag!!

"Like a virgin"

2009-08-07T05:12:00.000-07:00

Það verður eitthvað gaman hjá okkur fjórum stöllunum sem brunum til Gautaborgar seinnipartin í dag til að sjá og hlusta á Madonnu á Ullevi á morgun í sumarblíðu eins og hún gerist best í Svíþjóð!!!
Við verðum án efa fyrstar til að falla í yfirlið framan við sviðið þegar Madonna tekur gömlu slagarana á borð við "Like a virgin", "La Isla Bonita" og "Paba Don´t Preach"

Íííhaaaa, Madonna hear I come

#3. Hetja

2009-07-26T05:26:00.001-07:00

Smá aðlögun og svo lætur maður sig bara vaða! Þetta er meira en sumir geta státað sig af !!!

#2. Kúrustelpa

2009-07-26T05:10:00.001-07:00

Gott að kúra hjá pabba milli þess sem tánum er dýpt i vatnið

#1. Baðað i Hellasgården

2009-07-26T05:07:00.001-07:00

Hekla var ekki alveg að kaupa það að baða í nærbuxunum (það var ekki meiningin að baða svo sundbolurinn var ekki með í för) og lét sig heldur hafa það að baða án klæða!

Kerrupúl

2009-07-24T05:21:00.000-07:00

Frábært framlag í líkamsræktarfljóruna á Íslandi

Meira um Múminálfana og þeirra heim

2009-07-22T13:35:00.000-07:00

Já það var sannarlega gaman í Múminlandi og gamla settið skemmti sér ekki síður vel við að vafra um í ævintýraheimi þessara sögupersóna, heldur en frumburðurinn. Við urðum þó að viðurkenna fráfræði okkar þegar kom að því að þekkja alla innbúa Múminlandsins. Þekking okkar var mjög takmörkuð og náði ekki útfyrir Múmín-pabba, -mömmu, -strákinn og -stelpuna og auðvitað Morran ógnvænlega sem frystir allt sem hann kemst nálægt. Þessi vankunnátta spillti svolítið fyrir gleðinni (angraði feðginin svo sem ekki neitt) og eitt af fyrstu verkum mínum við heimkomuna var að "gúgla" Mumintroll !!! Svona fer að vinna ekki heimavinnuna!!

Upp úr krafsinu hafði ég þessa skemmtilegu síðu og þessa hér sem er ekki síður skemmtileg en þar má sjá nöfn sögupersónanna á ýmsum tungumálmum, eins og t.d. sænsku og íslensku. Langaði bara að deila þessu með ykkur!

Hekla hafði fögur fyirheit um að "krama" múmínstelpuna þegar hún kæmi í múminlandið! Það dróst á lang

inn og hún var allan daginn að mana sig upp í það! Það gáfust mörg tækifæri til að knúsa einhvern af fjölskyldumeðlimunum en sú stutta sagði alltaf að hún æltlaði bara að krama "á ettir". Það var svo í lok dags (vorum semsagt í múminlandi frá kl 10-18) að múminstrákurinn (Mumintrollet) kom gangandi í átt að okkur að Hekla lét vaða.

Og víst var hún ánægð með sjálfa sig. Eins og sjá má var Múmínstrákurinn ekki síður ánægður eftir þetta einlæga Heklu-knús!

Gaman i Múminlandi

2009-07-17T06:23:00.001-07:00

Fall er fararheill

2009-07-15T14:02:00.000-07:00

Eftir að Hekla Sól eignaðist Djurgarden keppnis dressið hefur fótbolta áhuginn vaxið svo um munar!!

Hér má sjá stutt brot af lítilli en bráðefnilegri fótboltastelpu ;)

Og fyrir alla áhugamenn og konur um góða videosketsa þá hefur vefsíðustjórinn lagt nokkra valda búta upp á myndasíðuna okkar sem teknir hafa verið á GSM símann (það skýrir kanski gæðin og af hverju videoin snúa ekki alveg rétt ;) Góða skemmtun.

Mumuminland

2009-07-15T12:43:00.000-07:00

Það kom að því að okkur tækist að skipuleggja "ferðalag" í fríinu okkar (þ.e. mæðgurnar eru þær einu sem fá frí) en á morgun ætlum við að sigla á vit ævintýranna í Múminlandi. Pálmar á semsagt frí á föstudaginn og með því að taka bátinn til Finnlands annað kvöld tekst okkur að nota frídaginn hans í heimi múminálfanna og sigla svo heim um kvöldið og vera mætt til hafnar í Stokkhólmi kl 6 á laugardags morgun, passlega áður en hann þarf að gera sig klárann fyrir vinnuna!!!

Hekla Sól á án efa eftir að njóta sín í landi múmínálfanna enda snorkstelpan í MJÖG miklu uppáhaldi þessi misserin!

Eftir helgi bíður okkar svo hversdagurinn eftir tveggja vikna (Hekla) og 7 daga (Linda) sumarfrí.

Britney Spears

2009-07-12T13:21:00.000-07:00

Ég neyta því ekki að það verður spennandi að sjá dramadrotinguna á sviði á morgun!!!

Allt og ekkert

2009-07-05T13:33:00.000-07:00

Nú er loksins farið að kólna og heilasellurnar farnar að starfa nokkuð eðlilega og framkvæmdasemin farin að ná ásættanlegu marki, eða svona nánast eðlilegu!!! Ekki að ég sé að kvarta yfir hitabilgjunni sem heiðraði okkur með nærveru sinni, síður en svo! Það er bara einhvernveginn þannig að þegar veðrið er gott þá gerir maður ekki mikið annað en að njóta þess, allt annað bíður kulda og rigningatíma, sem er aldrei mjög langt undan þegar maður býr á norðurhvelinu.

Undanfarnir dagar eru búnir að vera tær snilld og svitastorknir og klístraðir kroppar hafa notið sín við útiveru, sundferðum og hjólatúrum, milli þess sem unnið er. Myndavélin hefur að einhverjum óskiljanlegum ástæðum ekki fengið að fljóta með í því sem við höfum haft fyrir stafni yfir þetta hitabeltistímabil en hér sjáiði samt nokkrar útvaldar myndir af Sólargeislanum sískínandi, sem voru teknar fyrir og eftir "värmeböljan".

"Ér að elda"

Okkur barst óvænt aðstoð í eldhúsið einn daginn! "The naked cheaf" mætti á svæðið og sauð saman ævintýralega samsettan mat. Ég vek athygli ykkar á kokkahúfu matreiðslumannsins...hann klikkar ekki á smáatriðunum og setur hreinlætið ofar öllu ;)

Til nánari útskýringar, þá er kokkahúfan langt frá því að vera höfuðfat, heldur er þetta uppáhalds nærbrók heimasætunnar!!!

Þrjóskublóð

Þær eru saman í þessu, Hekla og Múmín stelpan!!

Það að sofna á gólfinu (oftast eftir þó nokkuð þref og þars og nokkrar klósettferðir og vatnsdrykkju) hefur orðið einhverskonar trend hjá þeirri stuttu! Og nú hefur hún fengið Múmínstelpuna til liðs við sig.

Tvær saman stöndum við....
DIF dress

Alsvenskan hófst í gær eftir langa pásu og DIF spilaði á Stadion í dag! Að því tilefni var ákveðið að splæsa í dress á dömuna, sem var laaaaangþráð.

DIF dressið varð til þess að strákarnir unnu leikinn og byrjuðu nýtt tímabil með stæl!

Þetta er semsagt happadresss.

Hekla var samt eitthvað að misskilja þetta alltsaman og fór að dansa ballett af miklum móð á áhorfendapöllunum!!!

Spurning um að pabbi fari í að útskýra fyrir henni muninn á fótbolta og ballett!!

Og allir verða að borða

2009-06-30T09:50:00.001-07:00

Eftir sund verður maður ad borða og hvað er þá betra en rótsterkur indverskur matur.

Vindaloo a diskinn minn!

Nú er það heitt maður!!!

2009-06-30T05:22:00.000-07:00

Við erum að tala um steikjandi hita í Stokkhólmi, yfir 30°C og lýsið bráðnar sem aldrei fyrr.

Til að reyna að koma í veg fyrir ofhitnun höfum við dvalið langdvölum í kaldri sundlauginni og ætlum að halda uppteknum hætti eftir vinnu í dag.

Ekkert annað að gera en að halda coolinu

Í garðinum heima

2009-06-24T12:23:00.000-07:00

Þessi litli sæti hnoðri hefur hreiðrað um sig undir einum runanna í garðinum okkar. Fyrst sáum við hann fyrir nokkrum vikum síðan undir tréi utan við garðinn en í dag sótti hann okkur Heklu heim. Það fór ekki mikið fyrir honum og hann kippti sér ekkert upp við myndatöku og alla þá athygli sem honum var veitt.

Ætli broddgaltakjöt sé gott á grillið??

Midsommar

2009-06-21T12:03:00.000-07:00

Nú er Midsommar helgin senn á enda, þurrari en bjartsýnustu menn þorðu að vona. Við gáfum skít í blauta veðurspá og "firuðum" midsommar ásamt góðum vinum. Að sjálfsögðu tókum við þátt í hefðbundinni dagskrá og dönsuðum kringum þessa líka fínu Midsommarstöng og sungum tilheyrandi söngva. Síðan söfnuðumst við saman heima í garðinum góða og grilluðum, átum á okkur gat og höfðum gaman án þess að rigning setti strik í reikninginn. Það glitti meira að segja í þá gulu af og til og veðrið var á köflum eins og best verður á kosið.

Partýljónin; Ella, Hekla, Lilja Marín, Sindri Dagur og Björgvin

"Namnsdag"

Ég átti svo namnsdag í gær, þ.e. allar Lindur í Svíþjóð gátu haldið upp á daginn!!!

Gaman að því nema hvað ég gerði ekkert í tilefni dagsins nema taka góða æfingu með hinum fjölskyldumeðlimunum og baka skonsur í hádeginu!

Flugnabit

Ekki nóg með að Hekla hlypi hlutfallslega mest og hraðast af okkur þrem, þá hjólaði hún eins og herforingi seinnipart dags og fékk meira að segja að prufa nýja fína tvíhjólið hans Hugo nágrana og jafnaldra.

Hjólagleðin snérist svo yfir í andstæðu sína þegar Hekla allt í einu argaði upp yfir sig og greip um innanvert lærið á sér. Móðurinni og sjúkraþjálfaranum kom ekkert annað í hug en að barnið væri komið með krampa í lærið og reyndi að láta hana spyrna fætinum í!!! Það dugði hvergi og á endanum (nokkrum sek. síðar) var Sólin drifin úr buxunum til að gá hvað væri á seiði. Það leyndi sér ekki, tvær stungur á innan verður lærinu. Seinna fundust svo tvær dauðar, heldur óásjálegar flugur, önnur úti á "slysstað" og hin inni á baðherbergi.

Óskemmtileg upplifun fyrir tveggja og hálfs árs gamla snót....sem stóð sig þrátt fyrir allt vel og bar sig mannalega eftir á.

Úrhelli í skiptum fyrir sól og sumar

2009-06-14T00:22:00.000-07:00

Ferðin okkar til Krítar var tær snilld og alveg óhætt að mæla með Krít sem ferðamannastað! Það munaði minstu að við hrökkluðumst til baka inn í flugvélina þegar rokið og rigningin tók á móti okkur á Arlanda. Nú sjáum við mikið eftir því að hafa ekki látið verða að því, þar sem himininn hefur grátið tröllatárum nánast stanslaust síðan við stigum fótum á sænska grund og í nótt var varla svefnfriður fyrir beljandi rigningunni.

Við skulum bara hverfa í huganum til Krítar, í sólina og hitann...

Þessar myndir verma, það er ekki spurning !!!

Hér eru svo c.a. 200 myndir til viðbótar fyrir þá sem vilja láta sér líða sérstaklega vel ;)

Næst á dagskrá

2009-06-04T13:34:00.000-07:00

Vakna kl 3.20 í nótt og taka taxa út á Arlanda flugvöll kl 4.00.

Flug til Krítar/ Chania kl 5.55.

Lending um kl 10 að staðartíma.

Taxi á Hótel Almyrida-Beach um kl 11.

Bíst svo fastlega við því að við munum taka hópdífu í hótel lauginni upp úr hádegi, Hekla í nýja Hello Kitty sundbolnum og við gamlasettið í einhverju minna spennandi ;)

Svo verðum við sjálfsagt komin á kaf í fetaostinn og ólífurnar áður en varir.

Blessuð blíðan

2009-06-01T22:59:00.000-07:00

Fljúgandi ferlíki

Veðrið er búið að vera tær snilld undanfarna daga.

Gott veður og heiður himinn hér í Stokkhólmi er ávísun á fljúgandi furðuhluti, en að þessi ferlíki fljúgi nánast á mann er ekki daglegur viðburður. Þessi loftbelgur lyfti sér yfir hús nágrananna þar sem ég sat úti á palli, upptekin við að melta kvöldmáltíðina. Í fyrstu hélt ég að himinninn væri að klæðast kvöldskrúðanum en það var nú aldeilis ekki þannig. Það er aldrei að vita nema maður skelli sér í flugferð einn daginn.

"Dil inte dofa"

Það gekk bara nokkuð vel fyrir Heklu að sofna í fyrrinótt en það tók sinn tíma! Eftir lestur, koss og góða nótt knús lögðumst við foreldrarnir yfir yfir "sista minutan" tilboðum í tölvunni og vorum stolt af því hvað einkadóttirin var dugleg að sofna ein (það er nefnilega ekki alltaf þannig).

Seint þó um síðir skriðum við til hvílu og þá brá okkur heldur í brún, því Sólin var ekki í rúminu!!!

En hún fanst innan tíðar.....undir rúminu, alsæl og stein sofandi ;)

Sem betur fer var nýbúið að moppa gólfið því ég leyfi mér að efast um að lóg og hárlufsur séu góðar fyrir nýuppskorin háls!!

Krít

Það gerðist loksins í gærkvöld! Við bókuðum flug til Grísku eyjarinnar Krít. Flug fyrir 790 sek réði miklu um val okkar en hver slær hendinni á móti grískri gestrisni og rjúkandi heitu Musaka, ég bara spyr. Hótelið verður bókað á næstu dögum en við lifum enn í voninni um að fá ferðafélaga svo við bíðum aðeins með það....

Er ekki tími til kominn að....

2009-05-28T08:53:00.000-07:00

Það er segin saga að þegar dagarnir eru of stuttir verður lítið um bloggstörf. En það þýðir ekki að bloggarinn hafi lagst í helgan stein!! Þvert á móti, nú verður bloggað sem aldrei fyrr !!!

Sumarfrí
Jú, við hjónaleysin erum enn að reyna að ákveða hvert við ætlum að fara í fríinu...sem byrjar í næstu viku og
stendur í heila 10 daga. Við höfum reynt að beyta útilokunaraðferðinni en það er eins og það sé ekki að duga, tímaleysi hefur ráðið miklu líka. Enn eru nokkur lönd með á listanum og nóg er framboðið af "sista minutan" ferðum. Það er greinilegt að krísan er ekki bara landlæg á Íslandi !!
Það er ljóst að það er forgangsatriði að fara að ákveða hvert verður haldið, hvort það verður Tyrkland (Marmaris), Grikkland (Krít eða Zakinthos) eða Króvatia. Öll góð tips eru vel þegin!!

Dýrin mín stór og smá
Hornarfjarðar afi og amma komu fyrir viku síðan. Þau voru varla lennt þegar þau voru drifin upp í bíl og ekið með þau til Nyköpning með heimsókn til Kolmorden dýragarðsins á stefnuskránni. Grasekkjan Sunna og frumburður hennar hún Júlía Jökulrós slógust í hóp með okkur, okkur til mikillar ánægju. Dýragarðurinn var alveg að falla í kramið, hjá ungum sem öldnum en að öllum dýrum ólöstuðum stóð höfrungasýningin upp úr. Þetta var sko alvöru ferð, gist á þessu líka fína hóteli og farið í pottinn með bjórglas í hendi. Kvöldmatarhlaðborðið var reyndar ekki að vekja mikla lukku hjá eldri kynslóðinni, hakksósa og ofsoðið pasta er ekki alveg það sem maður er með í huga þegar dvalið er á hóteli. En hvað um það, þær stöllur Hekla og Júlía kvörtuðu ekki og tóku vel til matar síns !!!

Aðgerð
Hekla Sól lagðist undir hnífinn eða réttara sagt laiserinn á mánudaginn. Hálskirtlarnir sem voru á stæð við hana sjálfa voru minnkaðir niður í nánast ekki neitt svo nú horfir til betri tíma og betri svefns hjá þeirri stuttu. Hún stóð sig að sjálfsögðu eins og hetja og hefur borið sig vel síðan, fyrir utan andvökur og verkjaköst síðustu tvær nætur en það fylgir víst. Það er fyllt reglulega á verkjalyfjadóseringuna en það er nauðsynlegt til að líðaninn sé sem bestur og þessi elska tekur lyfin án þess að kvarta. Það er löngu þekkt að ís sé allra meina bót eftir svona aðgerð. Strax á sjúkrahúsinu fékk hún tvö stykki klaka, eitt stykki á heimleiðinni og tvö stykki seinna um kvöldið. Hún átti svo að borða eitthvað "mjúkt" í kvöldmat svo að skyrið sem afi og amma komu með var borið á borð fyrir hana í stað lax og kartaflna sem hinir áttu að fá. Hún sætti sig ekki við það og það gekk ekki heldur að múta henni með ís...hún vildi mat og engar refjar. Hekla má ekki vera á leikskólanum í þessari viku vegna aðgerðarinnar og þá var nú aldeilis henntugt að afi og amma eru í heimsókn!

Nú er helgin framundan og aldrei að vita nema botn fáist í stóra ferðalagsmálið

Bónus

2009-05-15T12:10:00.000-07:00

Það er nátturulega bara snilld að búa í landi H&M og vera umvafin öngum þeirra ágætu verslunar.

Angar hennar hafa teygt sig til mín og ofan í mitt auma peningaveski og tekið þaðan stóran toll.
En flíkurnar skipta orðið tugum ef ekki hundruðum sem ég og mínir nánustu hafa fen
gið fyrir vikið og notið út í ystu æsar.
Og ekki nóg með það að fá MIKIÐ fyrir lítið í H&M, þá fær maður bónus í ofanálag.
Þegar ég kíkti í póstkassann í dag biðu mín hvorki meira eða minna en 500 sek í formi gjafabréfs frá H&M og tilkynning um að ég sé orðin "Gullkúnni".

Ekki amalegt það.

Önnur ágætis keðja veitir líka bónusa. Þar sem ICA matvöruverslunin liggur mjög vel við höggi verslum við nánast eingöngu þar og það hefur líka skilað sér í ótal bónusmiðum sem hægt er að leysa út i næstu verslunarferð.
Í póstkassanum í dag var bónusmiði frá ICA upp á 150 sek. Það er nú hægt að kaupa nokkra lítra af ís fyrir þann aur ;)

Þjóðarstolt

2009-05-12T14:00:00.000-07:00

Oh það var SVO gaman að heyra hvað Svíarnir héldu innilega með litla Íslandi þegar kom að úrslitum í forkeppninni í kvöld. Þegar þeir sjálfir voru öruggir inn (númer 2) var það eina sem komst að hjá þeim að Ísland þyrfti að komast áfram.

Það var alveg það sama upp á teningnum þegar við spiluðum um silfrið góða, íþróttafréttamennirnir héldu varla vatni yfir framistöðu okkar manna og héldu með okkur alla leið.

Svíarnir eru gott fólk og þeir eru sannarlega góðir við litla manninn.

Dagurinn sá

2009-04-30T01:53:00.000-07:00

Hringjarinn í Notre Dame

Húskerlingin varð árinu eldri í gær og því sá sambýlismaðurinn ástæðu til að bjóða spúsu sinni í Konunglegu óperuna í tilefni dagsins. Það var snilldar upplifun og magnað að sjá hvað kriplingar eins og Quasimoto eru fimir og léttir á fæti.

Húsið sjálft er svo kapituli útaf fyrir sig!

Facebook makes you happy

Afmæliskveðjurnar létu ekki á sér standa en fésbókin var sá miðill sem hafði vinninginn, 60 stk þakka ykkur kærlega!

Ómetanlegir vinir...

...eru hreint mögnuð fyrirbæri og við erum svo heppin að eiga nokkur stykki svoleiðis. Í gær fékk Hekla Sól þá ánægu að sofna heima hjá Sunnu og Magga ,sem eru einmitt tvö stykki ómetanlegar vina, meðan við nutum listisemda óperunnar.

Afmælisgrillveisla í garðinum

Áður en óperan var heimsótt, var slegin upp grillveisla í garðinum fyrir barnapíurnar góðu. Hamborgarar og pylsur runnu ljúflega niður og súkkulaðitertan setti puntinn yfir i-ið!

Hverfisverslunin...

...Stendur alltaf fyrir sínu og er einn af okkar uppáhalds nágrönnum. Heklu finnst líka voða gaman að fara í búðina og vill gjarnan koma með. Þannig var það líka í gær! Hún átti hinsvegar að vera heima hjá pabba og taka á móti vinum sínum, meðan mamma hljóp eftir hamborgarabrauðum og tómötum. En sú stutta lætur ekki segja sér fyrir verkum og gerði sér lítið fyrir og hljóp á eftir mömmu...án þess að láta kóng eða prest eða pabba sinn vita!!!

Það var svo þegar grunlaus móðirin stóð við kassan og borgaði góssið, að viti sínu fjær pabbi stökk inn í búðina í leit að dóttur sinni. Áður en mamman fékk "panik atack" var foreldrunum litið inn í búðina og viti menn, þar stóð sú stutta aftast í röðinni og beið eftir að komast að kassanum, SALLA RÓLEG, með sólgleraugun.

Það kom svo í ljós að hún hafið fengið fylgd í búðina, en einhver ágætis kona sá aumur á aumingja barninu (sem var aleitt úti að þvælast) og fylgdi henni þangað sem hún var að fara. Konana var hinsvegar ekkert á leiðinni í búðina !!

Já, gott fólk er gulli betra og afmælisdagar eru fullir af óvæntum atburðum.

Fúlt

Dagurinn var ekki alveg gallalaus! Það eina sem skyggði á taumlausa gleðina var að Djurgarden tapaði 3-0 á móti Halmsstad ;) DET ÄR INGET BRA

Glökt fólk...

...eins og þið kæru lesendur hafa sjálfsagt rekið augun í nýjan link hér vinstra megin á síðunni. Nýja myndaalbúmið okkar er komið í gang svo nú er bara að halla sér aftur í stólnum og njóta!!

Gleðilegt sumar

2009-04-22T06:33:00.000-07:00

Gott fólk!

Sumarið er komið og ég vona sannarlega að lífið eigi eftir að leika við landann, hvar svosem í heiminum sem hann er.

Munum bara að veðrið á sumardaginn fyrsta lýsir í fæstum tilvikum komandi sumri!!! Eftirfarandi texti Baggalútanna er samt skemmtilega líkur raunveruleikanum.

GLEÐILEGT SUMAR

sumarið er komið á ný

úrkoma í grennd

og skyggni er nánast ekkert - alls ekkert

þjóðin kaupir blöðrur og ís

frostbitin börn

og skátar á hverju strái - helbláir

nú setjum við upp húfu og vettlinga

og fjölmennum með nefrennsli í skrúðgönguna

þó hvorki bóli-

á sumri né á sól-

þá fögnum við samt

í skítakulda á sumardaginn fyrsta

norðanátt - og grenjandi rigning

á sumardaginn fyrsta

ef það kemur örlítil sól

þá æðum við út -

á sandölum og stuttum pilsum -

með öllu

hímum svo í kös niðrí bæ

með gaddfreðin glott - út að eyrum

gleðilegt sumar - aular

við hlýðum dofin á ræðurnar

og lúðrasveitin frosin föst við básúnurnar

þó hvorki bóli -

á sumri né á sól -

þá fögnum við samt

í skítakulda á sumardaginn fyrsta

norðanátt - og grenjandi rigning

á sumardaginn fyrsta

gleðilegt sumar - hlaupið í skjól

því lóan er flúin til Costa del sol

í skítakulda á sumardaginn fyrsta

norðanátt - og grenjandi rigning

á sumardaginn fyrsta

Hjólatur i Bergshamra

2009-04-14T08:27:00.001-07:00

Á meðan pabbarnir þræluðu í pallasmíði var ekkert annað í stöðunni en að taka einn eða svo hring í kringum húsið !!!

Sumir eru samt ekki alveg nógu kloflangir þannig að það var meira gengið með hjólinu en hjólað. En hvað um það, það er "dosa gaman lola" ;)

Páskar

2009-04-11T07:34:00.001-07:00

Það svíkur ekki páskaveðrið hér í Stokkhólmi. Hitinn í dag fór upp í 23 gráður takk fyrir kærlega. Undanfarnir dagar hafa verið hreint yndislegir og grámyglulegir borgarbúar eru skriðnir fram úr fylgsnum sínum til að fagna komu sumarsins. Það er svo gaman hvað allir verða glaðir og opnir þegar veðrið er gott, nágrannar hittast og heilsa upp á hvern annan og sem dæmi um nágrannavinskapinn, kíktu þrír í "heimsókn" í gær til að skoða breytingarnar á íbúðinni og aðrir fjórir spjölluðu heil lengi við okkur Heklu í gær....enda allir úti í görðunum sínum að gera fínt og njóta blíðunnar.

Í dag fengum við Hekla Sól mæðgurnar Lilju Marín og Rakel í heimsókn og við kíktum á dýrin í Stóra Skugganum!!! Það féll vel í kramið og það var extra gaman að geta spókað sig um í stuttbuxum og bolum og fá ís í tilefni dagsins!

Grasið er komið á garðinn! Og þvílíkur munur. En næst liggur fyrir pallasmíði þannig að enn sem komið er verður ekki mikið um flatmögun og afslöppun í garðinum fína.

Gleðilega páska

Moldvörpur

2009-04-04T13:41:00.000-07:00

Vorverkin eru í algleymi núna og við mokuðum, grófum og djöfluðumst í garðinum í dag eins og enginn væri morgundagurinn. Okkur varð sýnilega ágengt en enn eru grasfræin góðu ekki komin í moldina en við stefnum að því að sá grasinu ekki seinna en á morgun. Nú lítur garðurinn meira út eins og ruslahaugur en það stendur til bóta og án efa verður garðurinn hinn fegursti þegar yfir lýkur og ekki ólíklegt að hann eigi eftir að líkast þessum fína garði.

Við hjónaleysin bráum okkur af bæ í gærkvöld og Hekla Sól var svo heppin að fá að gista hjá Lilju Marín vinkonu sinni að því tilefni en þetta er fyrsta "sleep ower" hennar. Henni þótti það svo sannarlega ekki leiðinlegt og skemmti sér að eigin sögn konunglega.

"Hekla dofa Lilla Maín, gaman Lilla Maín".

Semsagt gaman hjá öllum í gærkvöldi.

Vorið er komið

2009-04-02T09:34:00.000-07:00

Við erum semsagt öll komin heim eftir Íslands- og Prtúgalsdvöl.

Ísland var nátturulega bara snilld og mér skilst á Pálmari að Portúgal hafi ekki verið mikið síðra. Hann fékk allavega tækifæri til að æfa og æfa og æfa og...... sem er einmtti það sem honum finnst svo gaman. Fyrir utan velþjálfaðan kropp fékk hann líka smá "tan" sem spillir ekki fyrir, skurðurinn sést jú betur á brúnum kropp!!! Ég nýt góðs af og meðan ég dáist af stæltum kroppi karlsins strík ég á mér "íslandsvömbina" sem dafnaði einstaklega vel, enda mikið af góðum mat og kræsingum troðið í hana þessar tvær vikur.

Já vorið er komið... en það er bara nýkomið!!

Melkorka og Kjartann vinir okkar komu í helgarheimsókn um síðustu helgi. Fyrsta daginn þeirra hér í Svíþjóð snjóaði á þau og þá erum við að tala um mestu og verstu snjókomu vetrarins. Þetta var víst svona típískt íslenk snjókoma sem er EKKI algeng hér. Veðrið fór sem betur fer skánandi á meðan þau voru hér og glöddu okkur með nærveru sinni. Við brölluðum ýmislegt saman. Að sjálfsögðu var kíkt í verslanir eins og gerist og gengur og ég lái þeim það ekki. Ég er enn að jafna mig á verðlaginu heima á Ice!!! Smá verðdæmi úr Hagkaup: Gerfikaktus 4000kr, Lítill Sollu stirðu púði 3999 kr!!! Þetta er ekki mönnum bjóðandi. H&M lengi lifi!!!

En já ég var að tala um vorkomuna.

Á þriðjudaginn ákváðum við semsagt að vorið væri komið og sóttum útimublurnar og skiptum snjóþotu heimasætunnar út fyrir þríhjólið sem beið vorsins í geymslunni. Svo fórum við í "blómaval Svíþjóðar"í gær til að kaupa mold og grasfræ en það vantar sárlega gras á helminginn á lóðinni okkar. En eins og í öllum góðum verslunarferðum kemur maður út með meira en áætlað var og það var einmitt svoleiðis í gær. Við keyptum semsagt grill og gaskút og grilluðum að sjálfsögðu kvöldmatinn.

Grillvertíðin í Bergshamra allé 115 er hafin!

Pálmar hélt áfram og festi kaup á keppnishjóli eða "racer" eins og það er víst kallað eftir margra mánaða pælingar.

Vorið er komið og grundirnar gróa.....

Heitt og kalt

2009-03-13T15:20:00.000-07:00

Góðir hálsar!!

Það er okkur er sérstök ánægja að tilkynna komu okkar til ástkæra og ískalda Íslands á sunnudaginn. En þar sem lífið er ekki fullkomið þá verðum við mæðgur því miður bara tvær á ferð og þurfum að sjá á eftir strák okkar til Portúgal, þar sem hann á eftir að sleikja sólina og láta hitann í suðrinu verma kropp og sál.

En þrátt fyrir kulda, trekk og krísuástand á Íslandi erum við Hekla vissar um að okkur eigi ekki eftir að verða kalt í faðmi fjölskyldu og vina, því hvað yljar manni meira en knús og kossar vandamanna.

Þannig að þegar öllu er á botni hvolft, gæti farið svo að hitinn á Íslandi verði meiri en í Portúgal en það er varla spurning um það hvert okkar á eftir að taka meiri lit á kroppinn!

Listdans a skautum

2009-03-12T13:59:00.001-07:00

Önnur tilraunin á skautum og lukkaðist lika svona vel ;)

Sannarlega efnileg!!

Hangover

2009-03-08T09:49:00.000-07:00

Lífði er ekki bara eitt stórt partý!

Stundum sökkar það bigtime og þá sérstaklega "daginn eftir"

Ég verð að viðurkenna að það er ekki hátt á mér risið í dag eftir partýstand gærkvöldsins. Það er nú einusinni svo að góðum partýum fylgir oft vanlíðan en það er sjálfsagt bara eitthvað sem maður verður að læra að lifa við.

Mér til varnar verð ég að láta það fylgja sögunni að þetta er ástand sem ég hef aldrei verið þessi rúmu 2 ár sem við höfum búið hér í Svíþjóð, þannig að mér finnst ég eiginlega alveg eiga þetta inni ;)

Það var ekki fyrr en upp úr hádegi að ég fór að ranka við mér fyrir einhverri alvöru, eftir að hafa hangið í sófanum nærri dauða en lífi en reynt sem mest ég mátti að láta ekki á neinu bera. Eins gott að halda haus fyrir framan barnið ;)

Ofur-Pálmar vaknaði sprækur sem aldrei fyrr og mætti í vinnu kl 10.00!! Það er fyrir ofan minn skilning hvernig það var hægt, ég hefði allavega aldrei lifað það af !!

En hvað sem öðru líður, þá tókst árshátíðin svakalega vel og við í skipulagsgenginu erum bara helv... ánægðar með okkur.

Við erum semsagt að tala um að þetta hafi verið drullu gott partý.

Og það besta við þetta allt er að við unnum gjafabréf fyrir tvo í Betri stofu Bláa lónsins.

Tilhugsunin um það lætur mér strax líða umtalsvert betur ;)

visir.is

2009-03-04T07:53:00.001-08:00

Auddi og sveppi sérpanntaðir til Svíþjóðar

Orð dagsins

2009-03-02T14:01:00.000-08:00

Á lestarstöðinni í dag:

Mamma: Hekla, hvað heitir pabbi.

Hekla: Pabbi litli!!

Mamma og pabbi: hahahahahahahahahahahah Mamma: Er pabbi lítill?

Hekla: Neiiii, babbi "dór" (og svo teygði hún úr sér og stóð á tám til að sýna hvað pabbi er ROSALEGA stór.

Pabbi: En mamma, er mamma lítil?

Hekla: Neiii, mamma "dór". Og svo bætti hún við án þess að hika "Pabbi dór, mamma "dór", Hekla puddu, puddu lítil" (og til að sýna hversu lítil hekla er, þá var bilið milli þumalfingurs og vísifingurs ekki nema nokkrir millimetrar ;)

Margur er knár þó hann sé smár

2009-02-26T05:19:00.000-08:00

Jæja gott fólk! Nú er kominn tími á smá fréttapistil af fjölskyldunni í borginni fögru!

Fyrst "nokkur" orð um skíðagönguævintýri kerlingarinnar, sem þeysti um sem aldrei
fyrr, líkast því að hún væri á dúnmjúku draumaskíi!! Kanksi aðeins ofsögum sagt, þar sem draumaskíið var dúnmjúkur nýfallinn snjór sem er enginn draumur fyrir gögnuskíðafólk, frekar martröð ef út í það er farið. Snjónum kyngdi niður nánast stanslaust allan daginn og í lok dags hafði um 30 cm af snjó fallið á Dalanna-grund. Ekki alveg það sem skíðafólk óskar sér og fyrir vikið tók ferðalagið lengri tíma en áætlanir höfðu gert ráð fyir. Vanir menn sögðust hafa verið um einum til einum og hálfum tíma lengur á leiðinni en venjulega!! Þrekraunin tók því ekki síður á þolrifin en líkamlegt úthald, þar sem aðstæður urðu til þess að aðeins tvær af fjórum brautum voru sæmilega færar og biðröðin í brautinni eftir því. Það var því um tvennt að velja, annarsvegar að taka sig út úr röðinni og demba sér út í ótroðna braut og hætta á að safna margra sentimetra lagi af snjó undir skíðin og freistast til að taka fram úr sniglunum sem fannst bara allt í lagi að vera fremst með halarófuna á eftir sér, eða þá að bíða bara þolinmóður þar til runan skreið lúshægt áfam í átt að markinu. Að sjálfsögðu reyndist fyrri kosturinn í lang flestum tilvikum vænlegri og ég komst í mark eftir 10 tíma og 10 mínótna puð.
Mitt í sigurvímunni og adrenalinflæðinu heyrði ég kunnulega rödd kalla 1-7-7-6-8!! Já Óli frændi föðurbróðir var mættur til að taka á móti mér í markinu.
Hann var reyndar AÐEINS of seinn til að sjá mig renna í mark en hvað um það, þarna var hann og doktor Stefán, sem kom til að festa herlegheitin á mynd. Þeir höfðu fyrir því að stoppa í Mora á leið sinni til Sälen og bíða eftir að ég kæmi í mark og óska mér til hamingju !! Takk fyrir það strákar!! Þetta kunni ég sannarlega að meta ;)

Fyrir alla áhugasama um statistik og tölulegar niðurstöður er hægt að skoða niðurstöður hlaupsins hér

Bolludagur
Eftir heimkomuna frá Mora á mánudaginn, bolludaginn með meiru, var ekki stætt á öðru en að skella í nokkrar bollur. Við vorum svo heppin að mæðgurnar og nágrannar okkar, þær Sunna, Júlía og Emilía heiðruðu okkur með nærveru sinni og nutu listisemdanna með okkur.

Fettisdagen
Ef maður á ekki skilið nokkrar gómsætar og svínfeitar bollur eftir 90 km ferðalag sem krefst orkunotkunar sem samsvarar í það minnsta 7000 kkal þá veit ég ekki hvenær maður verðskuldar þær. Ég leyfi mér meira að segja að fullyrða að ég hafi algerlega átt skilið að halda bolludaginn hátíðlegan tvo daga í röð en ég fékk mér að sjálfsögðu semlu á Fettisdaginn (þriðjudagurinn er semsagt bolludagur Svía).

Bleyja - Nei takk!!
Miðvikudagurinn 25. febrúar er merkilegur að því leiti að það er fyrsti dagurinn sem litla eldfjallið okkar fór bleyjulaus í leikskólann. Síðan þá hefur bara komið eitt "slys" sem verður að teljast furðu gott!! Já hún er að standa sig stelpan ;)

Prinsessa
Í dag ætlum við Hekla að fara í bæinn og kaupa grímubúning og það er ekki alls ólíklegt að prinsessudress verði fyrir valinu!! Tilefnið er að vinir okkar, Katrín og Gauti bjóða til veislu í dag, þar sem boðið verður upp á bollur (þriðji bolludagurinn á þessu ári) og kötturinn verður sleginn úr tunnunni. Meira um það síðar.

Leggjum í leiðangurinn eftir smá

2009-02-21T22:38:00.001-08:00

Framtíðin er ein stór spurning....eða hvað??

2009-02-20T01:36:00.000-08:00

Útlitið er ekki bjart yfir Íslandi ef það er eitthvað að marka þetta!!

Nýr fjölskyldumeðlimur

2009-02-18T13:47:00.000-08:00

Með stolti og gleði, kynnum við fyrir ykkur kæru vinir og ættingjar...

iMac heimilistölvuna

Frá og með deginum í dag erum við Mac-arar!
Og það sem meira er, þráðlausir Mac -arar!

Nýji fjölskyldumeðlimurinn, fluttist semsagt búferlum til okkar í kvöld og yfirgaf þar með fyrrverandi eiganda sinn sem seldi gripinn á Blocket.se.

Við elskum þráðlaust
iHelp

Þökkum okkar sæla

2009-02-16T09:22:00.000-08:00

Við vorum farin að sjá fram á mikið strit og miklar annir á næstunni og þökkuðum okkar sæla fyrir það að ég er enn bara í hlutastarfi í Sendiráðinu. Við sáum einnig fyrir okkur hrattstækkandi sorphaug í nýja fína garðinum okkar. Það munaði minnstu að við værum búin að fjárfesta í þvottabretti og járnbala með eyrum, þegar svo einstaklega vel vildi til að heimasætan fann loksins það sem við höfðum leitað logandi ljósi að síðan á föstudaginn. Henni fannst af einhverri ástæðu sérlega sniðugt að geyma þvottahús-og ruslageymslulyklana undir sætinu á sparkbílnum sínum.

Ég skil hana svosem vel, mér finnst líka hundleiðinlegt í þessu þvotthúsi og gæti vel hugsað mér að eyða tímanum mínum einhversstaðar annarsstaðar!!

Full bjartsýni

2009-02-09T12:19:00.000-08:00

Frábær æfingahelgi að baki, sem og 95 km!!!

Nú er svo komið að ég er full bjartsýni og tel fátt geta komið í veg fyrir að ég komist í mark í keppninni marg umtöluðu eftir tvær vikur.

Við Brynhildur (æfingafélagi og nagli með meiru) spíttum í lófana og byjuðum helgina snemma eða á fimmtudagskvöld með 20 km. Daginn eftir settum við markið hátt og eftir um 6 tíma púl og buð höfðum við lagt 50 km að baki. Ferlega ángæðar með okkur svo minnst sé sagt;)
Röltum svo hina 25 km á laugardaginn og sunnudaginn í mjög svo lítið spennandi færi og veðri.

Og það sem meira er, ég er bara alls ekki neitt þreytt og fann ekki fyrir harðsperrum.
Semsagt klár í slaginn!!!

Betri 2/3 hlutinn af mér kom með lestinni á föstudaginn og tók virkan þátt í helginni eftir það. Enn lifum við í voninni um að Pálmar bindi á sig skíðin og taki þátt í gleðinni daginn eftir okkur Brynhildi. Ég neyta því ekki að það verður gaman að sjá hann puða meðan þrekraunin verður mér í fersku minni ;)

Annars er bara allt gott að frétta og undirbúningur fyrir árshátíð Íslendingafélagsins í Stokkholmi er í algleymi. Sveit vaskra kvenna fer þar með völd og setur markið hátt og reiknar með met aðsókn.
Kæru vinir og allir hinir, takið laugardaginn 7. mars frá, pússið dansskóna og bregðið undir ykkur betri fætinum og komið til Feneyja norðursins.

Sannleikurinn

2009-01-29T06:26:00.000-08:00

Óli frændi og upprennandi elit-íþróttamaður rukkar mig um sannleika æfingaferðarinnar svo það er besta að uppljóstra hvernig var.

Semsagt, 60 km á fjórum dögum!
Ekki beint efnilegt þegar manneskjan ætlar sér að fara 90 km á einum degi eftir tæpan mánuð! En mér til varnaðar (og Brynhildi sem gekk í gegnum sama prógram) þá var færið MJÖG þungt og brautin sem við vorum í MJÖG erfið, með hækkun upp á 500m. Það var semsagt ekki tekið út með sældinni að ganga uppímóti mestan tímann og stjaka sér og renna sér niður brekkurnar með helminginn af snjónum í Dölunum undir skíðunum .

Reynslunni ríkari og með aukið þol og bætta tækni held ég ótrauð áfram í átt að markinu í Mora.

Æfa, æfa, æfa.....

Stund sannleikans

2009-01-21T22:56:00.000-08:00

Brynhildur yfir-vasalingur í ár rennir í hlað eftir c.a. klukkutíma, á Volvo station að sjálfsögðu, og pikkar okkur mæðgur upp á leið sinni norður í land, eða til Bjursås nánar tiltekið. Við stefnum á að æfa stíft og hefja andlegan undirbúning fyrir opna sporið í Vasa. Það er ekki seinna en vænna þar sem við höfum aðeins einn mánuð til stefnu!!!

Eftir helgina kemur semsagt í ljós hvort við höfum yfir höfuð eitthvað að gera í þessa 90 km löngu göngu.

Þessari ágætu konu tókst það og komst á spjöld sögunnar fyrir vikið sem fyrsta konan í Vasa. Það er ólíklegt að okkur takist að fá nöfn okkar rituð í sögubækur en við gætum þó haft það að markmiði að komast 90 km á styttri tíma en þessi ágætiskona gerði árið 1923.

Markmiðið er því hér með sett: 10.09.41 mín og ekki sekúndu lengur ;)

Å pabbi hem, Hekla dagis!

2009-01-17T07:30:00.001-08:00

Heklu þykir það virkilega mikið sport að fá að tala við vini sína og kunningja í símanum. Er hún þá oftast að segja frá því hvað fyrir augu hennar ber þá og þá stundina eða þá hvað hún hefur verið að bardúsa upp á síðkastið. En á föstudaginn átti hún svakalega flott samtal við pabba sinn. Klukkan var um 9 um morguninn og Linda var óskaplega veik og treysti sér ekki til að fara með Heklu á leikskólann. Því bað hún Heklu að hringja í pabba sinn til að sjá hvort hann gæti ekki komið heim og skutlast með prinsessuna á leikskólann. Og samtalið var á þessa leið:

ring ring!

Pabbi: Halló

Hekla: Halló pabbi, Hekla (Halló pabbi, Hekla hér)

Pabbi: Hæ Hekla, hvað er að frétta?

Hekla: Hekla dagis (Allt fínt þakka þér fyrir, en nú er ég að fara í leikskólann)

Pabbi: Já ertu að fara á leikskólann?

Hekla: Å pabbi hem, Hekla dagis (Já einmitt, var að velta því fyrir mér hvort þú værir til í að koma heim og skutla mér í leikskólann, því hún mamma er svo slöpp)

Pabbi: Á ég að koma heim og fara með þig á dagis?

Hekla: Å. Hej då (já það væri frábært, við sjáumst þá bráðum)

Pabbi: Bless bless, pabbi kemur heim bráðum.

Það væru ekki háir símreikningarnir ef öll símtöl væru svona hnitmiðuð! Fínt innlegg frá Heklu í sparnaðarumræðunni.

Breitt plön

2009-01-17T00:35:00.000-08:00

Það varð lítið úr skíðaferð um helgina! Það kom ekki til að góðu þar sem ælupest gerði innreið sína á heimilið. Húskerlingin varð fyrir barðinu á pestinni og lág með höfuðið ofan í klósettskálinni fram eftir morgni í gær og er rétt að koma til rænu núna eftir langan og mjög svo lítið skemmtilegan sólahring.

Það lítur út fyrir að Hekla hafi fengið snert af pestinni, nema hvað hún var í fljótandi formi niður á við. En það er ljóst, að ef þetta var "pestin" þá fór hún mun mýkri höndum um hana enda snótin spræk sem aldrei fyrr og gerði fárveikri móður sinni lifið leitt á köflum. Það er aldrei meira spennandi að hoppa ofan á mömmu gömlu eða berja hana með Íslenska fánanum en einmitt þegar hún liggur fyrir í móki og hefur enga krafta til að berjast á móti!!!

Nú lifum við í voninni um að pestin (eða "vintermagsjukan" eins og svíarnir kalla fyrirbærið) hafi yfirgefið okkur og komi ekki við í fleiri kroppum heimilisins.

Hiti í fólki...

2009-01-12T23:21:00.000-08:00

...en þó aðallega í Heklu Sól sem vaknaði við suðumark í morgun!

Við mæðgur verðum því heima í dag og reynum allt hvað við getum til að tempra hitann. Það er alveg óvíst hvaða aðferðum við beitum en ég er samfærð um að okkur tekst það ef við leggjumst á eitt ;)

Annars er allt gott að frétta fyrir utan snjóleysi og þar með aðstöðuleysi fyrir þá sem ætla í Vasaloppet eftir rúman mánuð!!! Nú fer hver að verða síðastur að koma sér í form og þjálfa upp rétta tækni. Það er alveg ljóst að það er ekki endalaust hægt að nota aðstöðuleysið sem afsökun.

Þeir sem ekki hafa snjó þurfa bara sækja hann heim. Svo einfallt er það!!!

Það er því "æfingaferð" til Falun í helgarplaninu en það er auðvitað háð því að fá frí frá vinnu og að bílaleigur bæjarinns eigi bíl við hæfi.

Långfärdsskridskoåkning!

2009-01-03T05:46:00.001-08:00

Nú hefur vetur konungur séð okkur fyrir ísilagðri Brunnsvík og því ekki annað í stöðunni en að verða sér út um långfärdsskridsor. Við byrjuðum semsagt daginn á því að heimsækja "second hand" verslun í úthverfi Stokkhólms til að festa kaup á skautum.

Við komum heim með þrenn pör fyrir fullorðna og tvenn fyrir börn plús ísdubba og prufukeyrðum góssið um hæl.

Í stuttu máli sagt, frábær upplifun að renna áreynslulaust eftir víkinni okkar góðu en ég viðurkenni þó að upplifunin hefði sennilega orðið öllu frábærari ef við hefðum fjárfest í NÝJUM græjum.....skautarnir mínir duttu t.d. c.a. 7 sinnum af mér þessa stund sem við skautuðum.

Hekla Sól var ekki yfir sig hrifin (þó fyrstu mínóturnar hefðu litið vel út) en hún á eftir að læra að meta nýjasta fjölskyldusportið ;)

2009-01-01T01:15:00.000-08:00

Gleðilegt nytt ár

Nýir símar

2008-12-28T01:13:00.000-08:00

Nýjir og ferskir gemsar hafa litið dagsins ljós og þar með ný númer.
Pálmar: 076 184 3332
Linda: 076 185 3332
Nýju númerin er að finna á síðunni undir myndunum af okkur og verða þar aðgengileg um ókomna tíð!!!

Jólakveðja

2008-12-23T15:57:00.000-08:00

Make a Smilebox greeting

Húfa

2008-12-20T11:38:00.001-08:00

Sórt takk fyrir flottu húfuna elsku Steina frænka, Tolli og Urður.

Knús, Hekla Sól

Afmælispeysa

2008-12-20T11:28:00.001-08:00

Takk fyrir peysuna fínu elsku afi og amma Hornarfirði. Hún er æði og passar svo fínt

Afmælisstelpa

2008-12-20T00:20:00.000-08:00

Annar í afmæli er í dag og búist við húsfylli af góðum gestum. Amma Snæ hefur staðið sveitt við bakstur undanfarna daga og kræsingarnar hrannast upp. Það stefnir semsagt í gott afmælispartý.

Fyrsti í afmæli var að sjálfsögðu þann 17. des, kvöldverður með þrem heiðursgestum, þeim afa, ömmu og uppáhaldinu honum Sigga. Prinsessan naut sín í botn, blés á kertin eins og herforingi og var áhugasöm um pakkana sem bárust henni, eins og sjá má hér á myndunum.

Á tveggja ára afmælinu kann maður ýmislegt, meðal annars að mynda tveggja og þriggja orða setningar ;
Hekla sidda der= Hekla sitja hér
Hekla vatt=Hekla vill vatn
Hæja Pabbi mina= hæ pabbi minn
ahjá= já
Mína Hekla der = Hekla á eða bara ég Hekla
Pabbi kom= komdu pabbi

Svo hefur fjölgað í orðabókinni:
Dúda= kúka
Issa=pyssa
Hatt= hattur
Uppa= Úlpa
assa= dansa
ofl ofl...

Bestu þakkir fyrir góðar gjafir sem hafa borist í tilefni tveggja ára afmælis heimasætunnar

2008-12-09T14:02:00.000-08:00

Krónan styrkist, kössunum fækkar, draslið minnkar, ergelsið og óþolinmæðin dvínar, það styttist í að dagarnir fara að lengjast og það sem meira er, jólin nálgast!

Er hægt að biðja um eitthvað meira?

Jú, pabbi og mamma (Gutti og Snædís) koma til okkar eftir 5 daga og Sólin smáa verður tveggja ára eftir viku!!

Það er semsagt bara tóm gleði framundan og í gleðivímunni svífum við létt í lundu í öll "litlu" verkefnin sem bíða okkar hér innandyra. Það er af nógu að taka en ég myndi halda að fyrsta mál á dagskrá sé að koma baðkarinu og þar með baðaðstöðu okkar í samt lag. Það verður þreytandi til lengdar að sitja í tómu baðkarinu og halda á sturtuhausnum en hingað til hefur það bara verið skemmtileg tilbreyting (not) !!! Veit líka ekki alveg hvernig þessi aðstaða (eða aðstöðuleysi) fer í slasaðan manninn hann karl föður minn! En þessu verður kippt í liðinn og við getum baðað okkur sem aldrei fyrr fyrir jólin.

Að koma íbúðinni í lag er ekki það eina sem liggur fyrir. Ó nei, síður en svo. Nú þarf að fara að ákveða hvort jólin í ár verða kortalaus jól með öllu eða hvort við náum að sjóða saman mannsæmandi kort til að senda vinum og ættingjum um allan heim. Það fer hver að verða síðastur með það.

En eitt er víst, jólin koma, með eða án jólakorta frá okkur.

Tvöföld IKEA-þreyta

2008-12-06T04:19:00.001-08:00

Ikea verslunarferðir eru átakanlegar fyrir alla aldurshópa og þá sérstaklega í jólaösinni. Þvílík forréttindi að vera tveggja ára og yngri þegar þreytan yfirbugar kropp og sál og mömmur versla sem aldrei fyrr og ekkert í heiminum virðist geta stöðvað þær. Það er ekkert því til fyrirstöðu að leggja sig bara á staðnum og koma endurnærður heim.

Það er EKKERT að þessu og að tvímenna í innkaupakörfu IKEA er bara KÓSÍ

Fluttningar

2008-11-27T00:02:00.000-08:00

Í dag er dagurinn sem við flytjum frá Ripstigen til Bergshamra allé. Eins og alltaf við flutningar eru blendnar tilfinningar í brjóstum okkar en aðallega erum við fegin að þessari löööööngu og ströööööngu þriggja mánaða vinnutörn er lokið ...allavega að mestu.

Við Hlökkum virkilega til að njóta afrakstur erfiðisins, leggjast í sófann og líta yfir slotið og hugsa "þetta gátum við"!!! Kanski, ef vel gengur getum við notið strax í kvöld.

Við sjáum samt mikið eftir okkar ástkæru nágrönum, Krilla, Carin og Viðari og "mys"kvöldunum okkar en það var óneytanlega mjög fyrirhafnarlítið að heimsækja þau eftir að Hekla sofnaði heima í sínu rúmi. Það var bara að skilja hurðirnar eftir opnar !!! En við flytjum nú ekki langt og við eigum sannarlega eftir að heimsækja þessa góðu vini okkar og fá þau í heimsókn.

Góðar fréttir

Eftir langt óvissutímabil fór Pálmar fór á fund "hæstaréttar" Djurgården í gær og fékk þær góðu fréttir að hans krafta væri vænst næsta ár. Enn er hann samningslaus og án undirskriftar er ekkert öruggt. En við erum bjartsýn!!!

Vasa-lingur

2008-11-25T13:32:00.000-08:00

Ég sveif eins og vindurinn á nýju fínu göngu-skíðunum mínum í kvöldhúminu. Þar með er undirbúningurinn fyrir Vasagönguna formlega hafinn. Nú er eins gott að halda á spöðunum og búa sér til gott æfingaplan.

En áður en ég geri planið ætla ég að leggjast á bæn og biðja um áframhaldandi snjó! Ef veðurfræðingar hafa rétt fyrir sér ( sem gerist reyndar ekki oft) þá verður snjórinn farinn fyrir helgi og því ekki líklegt að ég nái annari æfingu þar sem flutningar standa fyrir dyrum og enginn tími til að leika sér!!!

Hvað sem öðru líður, þá er allavega komið vax undir skíðin og búslóðin svo gott sem komin í kassa.

Trítl, trítl...

2008-11-22T23:40:00.000-08:00

Það er dásamlegt að vakna á morgnanna og átta sig á því að enn einn dagurinn er tekinn við með nýjum og spennandi ævintýrum og verkefnum. Það er enn dásamlegra að vakna án vekjaraklukku en dásamlegast af öllu er þó að vakna við létt fótatak einkadótturinnar!
Nú þegar hún er búin að tileinka sér vandræðalausa tækni við að koma sér upp úr rimlarúminu hefur hún áttað sig á því að það er einfaldara og mun árangursríkara að fara bara sjálf til svefndrukkinna foreldra sinna og vekja þau í stað þess að reyna að fá okkur inn til sín. Af fenginni reynslu veit hún að það getur tekur LANGAN tíma að ná sambandi við þau og fá þau framúr.
Trítl, trítl, trítl....svo er bankað létt á hálfopna hurðina og því næst kíkja tvö hálfopin augu inn í herbergi og loks heyrist "pabba-mamma" um leið og hún bröltir upp í rúmið til okkar.
Nú í morgun áttum við fjölskyldan sérstaklega notalega morgunstund en Hekla skreið upp í millið um hálf 8 leitið, kyssti okkur á kynnarnar og sofnaði værum svefni aftur og allir sváfu á sínu græna til hálf níu. Sumir sofa enn (kl 9.20) og eru ekkert líklegir til þess að vakna neitt á næstunni.

Núna ætlum við Hekla að fara út og renna okkur á snjóþotunni!!!!

Afmæli

2008-11-18T10:32:00.000-08:00

Fjölskyldufaðirinn er árinu eldri í dag og þar með árinu stórkostlegri!! Hjartanlega til hamingju með daginn elsku karlinn okkar.

13.dagar

2008-11-17T13:03:00.000-08:00

Nú þegar við erum á góðri leið með að ná einhverju annarlegu ástandi eins og þessi frændi vor, þá glittir í von! Von þessi felst í því að vera klár til innflutnings í nýju íbúðina fyrir 1.desember næstkomandi. Mér reiknast svo til að það séu 13 dagar til stefnu og 13 dagar eru TÆPAR tvær vikur. Og tvær vikur eru fljótar að líða!!! En skítt með það, við erum líka fljót að vinna og við vinnum vel undir pressu. Núna í þessum "töluðum" orðum er til Pálmar til dæmis í íbúðinni að flísaleggja forstofuna og við unnum frá morgni til kvölds yfir helgina við flísalagningu inn á baðherbergi. Píparinn og rafvirkinn voru svo á staðnum í dag og viti menn, hlutirnir gerðust og verkið rauk áfram sem aldrei fyrr. Nú eigum við tvo vaska með rennandi vatni og svaka fínt upphengt klósett. Svo eigum við líka ljós í loftum, veggjum og undir eldhússkápum...með dimmer og allt.

Já hér eru hlutirnir að gerast og nú er gaman að vera til. Svo gaman að ég HLAKKA til að fara að pakka niður og þrífa...TVÆR íbúðir!!!

Sólargeislinn okkar er búin að vera ómetanleg hjálp og ekki síður skemmtun yfir helgina. Hún tekur virkan þátt í uppbyggingunni og sér hlutina í allt öðru og mun skemmtilegra sjónarhorni en við aldraðir foreldrar hennar. Hún skemmti sér konunglega þegar við vorum að máta flísarnar á baðherbergið og keppti þar í hlaupi blindra og sjónskertra á einfaldri flísaröðinni.

Mest hjálpin var samt þegar hún svaf frá kl hálf 1 til kl að ganga 4 á sunnudaginn!!

Kanski ekki alveg tilbúin

2008-11-16T00:54:00.001-08:00

Á leiðinni í nýju íbúðina með pabba!!! Greinilegt að Heklu er farið að leiðast þófið og vill fara að drífa þessar framkvæmdir áfram. Gaf sér semsagt ekki tíma til að klæða sig og dreifst út með pabba svona klædd; í náttfötum, bleyjulaus og berfætt í stígvélunum.

Mamma stoppaði feðginin af þegar þau voru á leið inn í lyftuna!!!

Absolut.....

2008-11-08T04:33:00.000-08:00

...laaang flottastur!!!

Glæný lítil frænka og VAXANDI vandamál

2008-11-05T12:06:00.000-08:00

Til hamingju elsku Dögun frænka með litlu Sillemú systur þína sem kom í heiminn í gær. Við hlökkum til að sjá myndir af stubbunni. Við vitum að ef þú verður jafn góð við hana og þú varst við Heklu í vor, þá er hún í afar góðum málum ;)

Myndin hér til hliðar af þeim frænkum talar sínu máli!!!

Litlar stubbur vaxa hratt. Í sumum tilfellum vaxa þær alltof hratt og vaxa þá bókstaflega "upp úr" rúminu sínu. Þetta er VAXANDI vandamál hér á heimilinu. Samt sem áður er það svo að það er aðallega hugurinn sem vex og hindranir eins og rimlarúm verða engar hindranir lengur. Ítrekaðar flóttatilraunir úr rimlarúminu krefjast aðgerða af hálfu foreldranna. Annað hvort þarf að saga framhliðina af rimlarúminu eða kaupa nýtt rúm til að koma í veg fyrir alvarleg "hnjösk". Reyndar hefur stroku-stubbnum farið stórlega fram í flóttatilraunum sínum og útfærslan er orðin öllu fagmannlegri. Fyrsta tilraunin endaði með RISA kúlu á hausnum miðjum, enda höfuðlending á hæsta stigi, tungan var nærri farin af í þeirri annari en þriðja og síðasta tilraunin (sem átti sér stað í kvöld) endaði á engan hátt illa!!! Meira að segja var Lambi (tuskudýr sem á heima í rúminu) notaður sem upphækkun til að auðvelda stuttfættum strokufanganum að yfirvinna hindrunina.

Yfirhausuppteknir foreldrar verða því að hugsa sinn gang og setja rúm gullmolans í forgang. Það er alveg spurning um að bíða ekki með að kaupa nýtt rúm þangað til flutt verður....það veit jú enginn hvenær það verður, hvernig það verður eða hvort það verður. Svei mér þá hvað "einfaldir" hlutir eins og að gera upp íbúð geta dregist.

Þetta rúm er kanski sniðug hugmynd, svona tveir fyrir einn stuff, skrifstofa á daginn, rúm á nóttunni. Passar líka fínt þar sem nýja íbúðin er minni en sú sem við erum í núna og það er alltaf erfiðara að "taka niður fyrir sig" !! Ég er líka nokkuð viss um að Hekla yrði yfir sig ángæð með svona rúm. Ekki af því að það sé eitthvað betra að sofa í því en rimlarúminu, heldur af því að þar sem tölvuan á heima þarna þá yrði bókað mál að hún kæmist aldrei í rúmið fyrr en í fyrsta lagi kl 23.30.
Og það finnst henni sko ekki slæmt!!

Helloween

2008-11-05T11:08:00.000-08:00

Íslendingafélagið í Stokkhólmi stóð fyrir veglegri Helloween skemmtun á sunnudaginn. Við Hekla Sól létum okkur ekki vanta og brugðum okkur í gerfi....ok, kanski ekki alveg í viðeigandi gerfi en gerfi engu að síður.
Ég verð að viðurkenna að mér fannst meira við hæfi að klæða dúlluna og einkadótturina í fiðrildabúning heldur en einhvern kolsvartan nornabúning eða eitthvað þaðan af drungalegra!!! Það voru greinilega fleiri foreldrar á sama máli og veigruðu sér við halloween þemað. Júlía Jökulrós var til dæmis kanína, með heimatilbúin eyru! Alger snúlla. Engu að síður var þetta hið besta partí og allir, ungir sem gamlir skemmtu sér vel, hræddust furðuverur og óhljóð og fengu gott að borða.
Hver getur neytað horsúpu, blóðdrykk, kirkjugarðsköku og slefi , ég bara spyr???

Trehjuling

2008-10-28T14:21:00.001-07:00

Blocket.se sér um sína og heldur áfram að gleðja þunnar peningapingjur okkar hjónaleysanna. Það ríkir taumlaus gleði á heimilinu eftir að þessi líka fíni, þriggja hjóla reiðfákur bættist í hóp fjölskyldumeðlima í kvöld. Eftir þessum grip hefur verið beðið lengi en það er nú samt sem áður svo að eigandinn nær ekki niður á pedalana! Þangað til og á meðan hún herðir sig í orkuinntökunni og vaxtarkippunum, verður bara gaman að standa á pallinum , hoppa af honum og jafnvel af sætinu, eins og nú þegar er búið að prófa!!!

Ætli Pálmar leiti ekki líka á náðir Blocket.se, þar sem honum, á einhvern óskiljanlegan hátt tókst að láta stela frá sér öðru hjólinu í ár! Það er auðvitað ekki á færi allra en eins og ég hef oft sagt, þá er hann snillingur á sínu sviði og þetta er einmitt eitt af hans sérsviðum ;)

Það er allavega ekki spurning hvað hann fær frá mér í afmælisgjöf...

Fjárhirðir

2008-10-27T10:20:00.000-07:00

Samkvæmt Wikipedia er fjárhirðir skilgreindur sem manneskja sem rekur kindur eða annan búfénað.

Hér má sjá einn slíkan að störfum.

2008-10-26T00:04:00.000-07:00

Tíminn líður allt of hratt.
Hann æðir áfram og allt í einu, án þess að nokkur geri sér grein fyrir, er kominn vetur.
Hversu oft hefur maður óskað þess að klukkan stoppi eða tíminn líði að minnsta kosti hægar en hann gerir. OFT!!!
Í nótt fengum við ósk okkar uppfyllta því tíminn stóð í stað í einn klukkutíma. Við hugsðum okkur auvitað gott til glóðarinnar og sáum fyrir okkur klukkutíma lengri svefn. Bara NICE. Það var vanhugsað, því auðvitað er tveggja ára gríslingur ekkert að spá í svona smámuni eins og klukku og vaknar bara á sínum tíma, sem þýddi klukkutíma fyrr en vanalega eða kl 5.30!!!

NOT SO NICE!!!

Spenna

2008-10-25T09:52:00.001-07:00

Mamman var búin að rembast eins og rjúpan við staurinn við að koma spennum í hárið á Heklunni. Pabbinn var líka búinn að reyna en án árangurs. Guðrún kom í heimsókn í dag og gerið sér lítið fyrir og greiddi henni OG setti spennur í hárið. Það sem meira var, það þótti bara spennandi og Hekla var einstaklega ánægð með útkomuna. Verst hvað Guðrún stoppar stutt, hún fer á mándudaginn. Eins gott að nota morgundaginn vel í spennuæfingu og ef vel tekst til gæti farið svo að Hekla myndi sætta sig við það að pabbi og mamma skreyttu á henni hárið.

"Stoppa undan"

2008-10-24T10:58:00.001-07:00

Peningaaustur i Sprota karlinn! Sumir en ekki allir verða ríkir í kreppunni ;)

"Afi óó"

2008-10-22T09:16:00.001-07:00

Rófan varð sér út um teyjubindi og linnti ekki látum fyrr en hún fékk því vafið um sig alla. Samúðin með "afa óó" er ósvikin og hér er hún sýnd í verki!!

Bestu kveðjur til Gutta-afa-óó, þín Hekla Sól

Hvar er tannkremið?

2008-10-21T12:28:00.001-07:00

Þegar pabbi og mamma eru upptekin þa redda ég mér bara sjálf. Alveg hreint frábær hugmynd hjá mömmu að kaupa þennan fína koll;-)

Þess vegna erum við ekki gift

2008-10-21T04:08:00.000-07:00

Tökum enga áhættu!!!

http://www.youtube.com/watch?v=K0DmtmmFEVo

Allt er breytingum háð

2008-10-19T05:08:00.000-07:00

Engum er hollt að festast í sama farinu og halda áfram bara af gömlum vana. Með þessi orð að leyðarljósi ákvað ég að ráðast í það stórvirki að setja á laggirnar nýja heimasíðu. Þessari nýju síðu er ætlað að sinna ÖLLUM fjölskyldumeðlimum og ber því nafnið "Prinsessan og hjónaleysin með tilvísan í okkur þrjú !! Það má því leiða að því líkur að síðan mín leggist hér með af en hún verður sjálfsagt til á veraldarvefnum eitthvað áfram fyrir áhugasama. Sólarsíðan verður að sjálfsögðu áfram til en sjálfsagt verður eitthvað minna um færslur þar (ekki það að færslurnar hafi streymt inn að undanförnu!!).

Í krækjunum hér til hliðar er svo að finna link inn á heimilisalbúmið okkar en eins og er engin mynd í albúminu. Það stendur hinsvegar allt til bóta.

Samfara nýjum tímum koma ný tækifæri. Samfara nýjum símum koma líka ný tækifæri. Nú eigum við hjónaleysin bæði svo fína síma að við getum tekið mynd á símann okkar og sent myndirnar beint inn á Picasa webalbúmið!!! Þetta er tækni í lagi og ef við komumst upp á lagið með þetta þá er aldrei að vita nema við skjótum inn myndum af og til.

Velkomin á heimasíðuna okkar

kv Linda, Pálmar og Hekla Sól